ऊर्जा खबर
काठमाडौं । डायनामिक हाइड्रो इनर्जी प्रालिले ४० मेगावाटको लाप्चे तामकोसी आंशिकजलाशय जलविद्युत आयोजना निर्माण गर्ने भएको छ । कम्पनीले दोलखा जिल्लाको लाप्चे खोलामा पहिचान भएको आयोजना अघि बढाउन लागेको हो ।
बागमती प्रदेश, दोलखा जिल्लाको विगु गाउँपालिका भएर बग्ने लाप्चे खोलामा ४० मेगावाटको लाप्चे तामाकोसी आंशिकजलाशय जलविद्युत आयोजना गर्न लागेको कम्पनीले जनाएको छ । कम्पनीका अनुसार विद्युत विकास विभागबाट स्वीकृत प्राप्त हुने लगतै आयोजना निर्माणको काम अघि बढाइनेछ ।
आयोजना निर्माण तथा सञ्चालन गर्दा पर्न सक्ने प्रतिकुल असरबारे सरोकारवलासँग राय÷सुझाव माग गरेको छ । विभागले ३५ दिने सूचना जारी गर्दे उक्त अवधिभित्र सुझाव दिन पनि माग गरेको हो ।
नदी प्रवाहमा आधारित रन (रन अफ रिभर) प्रकारको आयोजनाको जडित क्षमता ४० मेगावाट हुनेछ । आयोजनको डिजाइन वहाव १७.७ घनमिटर प्रति सेकेन्ड र कुल हेड २७० मिटर हुने अध्ययनले देखाएको छ । आयोजनाबाट वार्षिक सरदर २३८.१६ गिगावट घण्टा विद्युत उत्पादन हुनेछ ।
आयोजनाको मुख्य संरचनाहरु लाप्चे खोलाको दायाँ किनारमा पर्दछन् । लाप्चे खोलाको दायाँ पट्टी निर्माण हुने इन्टेक पाइप बाट पानी फर्काइ सो पानीलाई आयोजनाको मुख्य संरचनाहरुहुदै विद्युतगृहमा लगिनेछ ।
३० मिटर लम्बाई, १८.२ मिटर चौडाई र २० मिटर उचाई भएको विद्युत गृहमा १३७४० किलोवाट क्षमताको टर्वाइनमा पानी खसाली सो टवाईनसँग जोडिएको तीनवटा १५.६९ एभिएको थ्री फेज जनेरेटर मार्फत विद्युत उत्पादन गरिनेछ ।
विद्युतगृह नजिकै स्वीच्यार्ड निर्माण गरिनेछ । उत्पादति विद्युतलाई १३२ केभीको ४४ किलोमिटर लामो प्रसारण लाइन मार्फत नेपाल विद्युतप्राधिकरणको बाह्रबिसे सब–स्टेसनमा जोडिनेछ ।
आयोजनाको सम्पूर्ण काम पुरा गरी २०८४ जेष्ठदेखि विद्युत उत्पादन गर्ने लक्ष्य छ । आयोजना निर्माण गरी भू–क्षय, वायू प्रदुषण आदीद्वारा वातावरणमा उल्लेखनीय प्रतिकुल असरा नपर्ने गरी निर्माण गरिनेछ ।
