ऊर्जा खबर
काठमाडौं । प्रभु क्यापिटल लिमिटेड र मकर जितुमाया सुरी हाइड्रो पावर लिमिटेडबीच सेयर रजिष्ट्रार सम्बन्धी कार्य गर्न सेयर रजिष्ट्रार सम्बन्धी सम्झौतामा हस्ताक्षर भएको छ । सम्झौतामा मकर जितुमायाका अध्यक्ष हिमाल गुरुङ र प्रभु क्यापिटलका प्रमुख कार्यकारी अधिकृत आशिष गौचनले हस्ताक्षर गरेका हुन् ।
हाल मकर जितुमायाले प्रवद्र्धन गरेको ६.४ मेगावाटको सुरी खोला जलविद्युत आयोजनाबाट २०७९ साल बैशाख १८ गतेदेखि विद्युतको व्यावसायिक उत्पादन गरी राष्ट्रिय प्रसारण लाइनमा प्रवाह गरिसकेको छ । कम्पनीले निर्माण गरिरहेको ७ मेगावाटको माथिल्लो सुरी खोलाको भौतिक प्रगति अहिलेसम्म ८५ प्रतिशत पूरा भएको जनाइएको छ ।
सेयर राजिष्ट्रारको रूपमा प्रभु क्यापिटलले मकर जितुमायाको धितोपत्र कारोबार सम्बन्धी सम्पूर्ण विवरणहरूको अभिलेख राख्ने एवम् सेयरधनीहरूको लगत अद्यावधिक गर्ने लगायत काम गर्नेछ ।
