ऊर्जा खबर
काठमाडौं । पाल्पामा निर्माण भएको ३३/११ केभी सिलुवा सबस्टेसन निर्माण सुरु भएको ७ वर्षपछि सञ्चालनमा आएको छ । नेपाल विद्युत प्राधिकरण पाल्पा वितरण केन्द्रले मंगलबार (हिजो) देखि सबस्टेसन सञ्चालनमा ल्याएको हो ।
२०७१ असोजदेखि निर्माण सुरु भएको सबस्टेसन सम्पन्न गरी ‘नो लोड’ मा चार्ज गरिएको लुम्बिनी प्रादेशिक कार्यालयका निर्देशक नवराज ओझाले बताए । उनका अनुसार सबस्टेसनमा ३ एमभीएको ट्रान्सफर्मर जडान गरी चार्ज गरिएको छ । भोली (बिहीबार) बिहानदेखि लोड दिएर चार्ज गर्ने तयारी भइरहेको छ ।
‘सबस्टेसन लोडमा चार्ज भएपछि बिर्कोट पूर्वमा नियमीत वितरणलाई सहयोग पुग्नेछ,’ उनले ऊर्जाखबरसँग भने, ‘पूर्वि फिडरको लाइन अवरुद्ध कम भई नायर पूर्व, उत्तर खानीगाउँ, आर्यभन्ज्याङ, तानु, हुमिन, पूर्वखोला, जल्पा र रम्भा क्षेत्रको विद्युत गुणस्तर हुनेछ ।’
सबस्टेसन र प्रसारण लाइनको काम करिब ७ वर्षमा पूरा भएको हो । अगाहुखोला देखि निर्माण भएको ३० किलोमिटर लामो ३३ केभी लाइनमा स्थानीयले अवरोध गर्दा अवधि लम्बिएको हो । आयोजनाको काम आङ के इन्टरनेशनल विश्वनाथ जेभीले गरेको हो। आयोजना सम्पन्न गर्न करिब ४ करोड २० लाख रुपैयाँ लागत लागेको छ ।
.jpg)
