ऊर्जा खबर
काठमाडौं । बागमती प्रदेश सरकारले विद्युतीय बस सेवा सञ्चालन गर्न ५० करोड रुपैयाँ बजेट विनियोजन गरेको छ । प्रदेश सरकारले आगामी आर्थिक वर्ष (२०७८/७९) को बजेटमार्फत सरकारको सहलगानीमा आवश्यक पूर्वाधार सहितको विद्युतीय बस सेवा सञ्चालन गर्न यति बजेट विनियोजन गरेको हो ।
विद्युतीय बस , ठुला सार्वजनिक यातायात सञ्चालन तथा व्यवस्थान गरी सेवालाई सर्वसुलभ, विश्वसनीय एवं मितव्ययी बनाउन प्रदेश यातायात सञ्चालन तथा व्यवस्थापन बोर्ड मार्फत विनियाेजित बजेट खर्च गर्ने प्रदेश सरकारकाे याेजना छ ।
विद्युतीय सवारी साधनको प्रयोगलाई प्रोत्साहन गर्न चार्जिङ स्टेसन पनि निर्माण गरिनेछ । काठमाडौं-मुग्लिङ र भरतपुर–हटौडा खण्डको उपयुक्त स्थानमा निजी क्षेत्रसँगको सहकार्यमा विद्युतीय चार्जिङ स्टेसनसहितको एकीकृत स्मार्ट रिफ्रेस एण्ड ट्रान्सफर सेन्टर निर्माण गरी सञ्चालन गर्न बजेट विनियोजन भएको छ ।
