ऊर्जा खबर
काठमाडौं । सुपर मादी हाइड्रो पावर कम्पनीले विभन्न पदमा रोजगारीको अवसर खुलाएकाे छ । कम्पनीले कास्कीमा निर्माणाधीन ४४ मेगावाटको सुपर मादी जलविद्युत आयोजनामा र काठमाडाैंस्थित केन्द्रीय कार्यालयमा खटाउने गरी २५ जना कर्मचारीकाे पदपूर्ति गर्न आवेदन खुलाएकाे हो ।
३ जना सिभिल इन्जिनियरसहित खाली रहेका २ दर्जन खाली स्थानमा पदपूर्ति गर्न आवेदन खुलाईएको कम्पनीले जनाएको छ । कम्पनीका अनुसार १ जना केन्द्रीय कार्यालय र २ जना आयोजनास्थलमा घटाउने गरी ३ जना इन्जिनियर मागिएकाे हाे ।
यस्तै, १ जना आयोजना प्रबन्धक (प्लान्ट म्यानेजर), ४ जना ‘हेडवर्क अपरेटर’ र ४ जना ‘हेडवर्क अपरेटर हेल्पर’ मागिएकाे छ । कम्पनीले ९ जना मेकानिकल अपरेटर, ३ जना इलेक्ट्रिकल अपरेटर र एक जना एकाउन्टेन्ट (लेखापाल) का लागि आवेदन खुलाइएको छ ।
आवेदकमध्ये शैक्षिक प्रमाणपत्र र सम्बन्धित क्षेत्रमा बढी अनुभव भएकाले रोजगारीको अवसर पाउनेछन् । इच्छुक व्यक्तिले सूचना जारी भएको मितिले एक हप्ता (फागुन २१ गते) भित्र आवेदन दिइसक्नु पर्नेछ ।
आवेदकले बायोडाटा, फोटो, नेपाली नागरिकताको प्रतिलिपि, शैक्षिक योग्यताको प्रमाणपत्रको प्रतिलिपि, कार्य अनुभवको प्रमाणपत्रसहित आवेदन बुझाउनु पर्नेछ । आवेदकले कम्पनीको इमेल ठेगाना ([email protected]) मा आवेदन दिनुपर्नेछ । तलब तथा सुविधाकाे व्यवस्था आपसी सहमतिमा ताेकिने उल्लेख छ ।
कम्पनीले निर्माण गरिरहेकाे आयाेजना ७० प्रतिशत पूरा भएकाे छ । आयाेजनाबाट अबकाे ११ महिनामा विद्युत उत्पादन गर्ने लक्ष्य छ ।
