ऊर्जा खबर
काठमाडौं । सयपत्री हाइड्रो पावर कम्पनीले ९ करोड रुपैयाँ मूल्यको साधारण सेयर जारी गर्ने भएको छ । कम्पनीले बागलुङमा सञ्चालित २.५ मेगावाटको दरमखोला जलविद्युत आयोजनाको साधारण सेयर निष्कासन गर्ने भएको हो ।
कम्पनीले सेयर निष्कासन गर्ने स्वीकृतिका लागि नेपाल धितो पत्र बोर्डमा आवेदन दिएको छ । बोर्डबाट स्वीकृत प्राप्त भएपछि सेयर निष्कासन गरी बाँडफाँड गर्ने कम्पनीको तयारी छ ।
प्रतिकित्ता १ सय रुपैयाँ अंकित ९ लाख कित्ता साधारण सेयर बिक्री खुल्ला गरिनेछ । पहिलो चरणमा आयोजना प्रभावित स्थानीय र दोस्रो चरणमा सर्वसाधारणका लागि सेयर बिक्री खुला गरिने कम्पनीले जनाएको छ ।
स्थानीयका लागि ३ करोड रुपैयाँ मूल्यको ३ लाख कित्ता सेयर छुट्याइएको छ । बाँकी ६ करोड मूल्यको ६ लाख कित्ता सेयर सर्वसाधारणका लागि छुट्याइएको छ ।
कम्पनीले सेयर निष्कासन गरी बाँडफाँड गर्न एनआइबीएल एसीइ क्यापिटलाई बिक्री प्रबन्धक तोकेको छ । कम्पनीले बागलुङमा निर्माण सम्पन्न गरी सञ्चालनमा ल्याएको आयोजनाले २०७३ असार १२ गतेदेखि नियमीत विद्युत उत्पादन गरिरहेको छ ।
.jpg)