ऊर्जा खबर
काठमाडौं । विद्युत नियमन आयोगले युनाइटेड मोदी हाइड्रो पावर कम्पनीले बोनस सेयर वितरण गर्न अनुमति दिएको छ । कम्पनीको आर्थिक वर्ष २०७८/७९ को नाफाबाट सेयरधनीहरूलाई प्रतिफल वितरण गर्न अनुमति दिएको हो ।
चुक्ता पूँजी साढे १ अर्ब रुपैयाँको ७ प्रतिशत बोनस सेयर र कर प्रयोजनका लागि ०.३६ प्रतिशत नगद लाभांस वितरण गर्न स्वीकृति पाएको कम्पनीले जनाएको छ । निगमन आयोगले फागुन १७ गते स्वीकृति प्रदान गरेको थियो ।
कम्पनीको पुस २९ गते बसेको सञ्चालक समितिको बैंठकले यो लाभांश वितरण गर्ने निर्णय गरेको थियो । आयोगको स्वीकृतिपछि अब कम्पनीको वार्षिक साधारण सभाले अनुमोदन गरेपछि सेयरधनीहरूलाई लाभांश वितरण गर्नेछ । कम्पनीको १० मेगावाटको तल्लो मोदी–१ जलविद्युत आयोजना सञ्चालनमा छ ।
