ऊर्जा खबर
काठमाडौं । युनिभर्सल पावर कम्पनीले साढे १ करोड रुपैयाँ खुद नाफा कमाएको छ । कम्पनीले चालु आर्थिक वर्षको दोस्रो त्रैमाससम्मको अवधिमा सो मुनाफा आर्जन गरेको हो ।
पुस मसान्तसम्मको अवधिमा १ करोड ६६ लाख ३९ हजार रुपैयाँ आयकर कट्टि पछिको नाफा आर्जन गरेको कम्पनीले जनाएको छ । कम्पनीका अनुसार यो नाफा गत वर्षको यहीसमय अवधिको तुलनामा १ करोड ३६ लाख ४० हजार रुपैयाँ कम हो । गत वर्ष ३ करोड २ लाख ८० हजार रुपैयाँ खुद नाफा कमाएको थियो ।
कम्पनीले अन्य स्रोतबाट करिब २ करोड ४२ लाख ९७ हजार रुपैयाँ आम्दानी गरेको छ । यो आम्दानी गतवर्षको तुलनामा घटेको हो । गत वर्ष ४ करोड ५० लाख २४ हजार रुपैयाँ आम्दानी गरेको थियो ।
विद्युत बिक्रीबाट हुने आम्दानी नभएपनि कम्पनीले अन्य स्रोतबाट खुद नाफा कमाएको हो । कम्पनीको प्रतिसेयर नेटवर्थ १०५.६१ रुपैयाँ रहेको छ ।
कम्पनीले दोलखा जिल्लाको गौरीशंकर गाउँपालिकामा ११ मेगावाटको तल्लो खारे खोला जलविद्युत आयोजना निर्माण गरीरहेको छ । निर्माणाधीन आयोजनाको भौतिक प्रगति ९८ प्रतिशत सम्पन्न भएको छ ।
.jpg)
