ऊर्जा खबर
काठमाडौँ । नेपाल विद्युत् प्राधिकरणबाट निर्माणधीन मूलपानी १३२ केभी सबस्टेसनमा भक्तपुर–चपली १३२ केभी प्रसारण लाइनलाई लोप–इन लाप–वाउट काम गर्ने भएकाले ३ दिन विद्युत् आपूर्ति प्रभावित हुने भएको छ ।
फागुन १५ गते बिहान ६ बजेदेखि १७ गते शनिबार बेलुकासम्म १३२ केभी भक्तपुर–चपली प्रसारण लाइन सटडाउन हुँदा बानेश्वर, महाराजगन्ज, रत्नपार्क, जोरपाटी, बालाजु तथा कुलेश्वर वितरण केन्द्र (साथै उक्त वितरण केन्द्रहरूका उपकेन्द्रहरू समेत) अन्तर्गत पर्ने फिडरहरू प्रभावित हुन सक्ने जानकारी गराएको छ ।
निर्धारित समयअघि कार्यसम्पन्न भएमा प्रभावित लाइन सुचारु हुने प्राधिकरणले जनाएको छ ।
