ऊर्जा खबर
काठमाडाैं । अपर स्याङ्गे हाईड्रो पावर लिमिटेडले ८ लाख ७० हजार कित्ता सेयर निष्कासनको लागि नेपाल धितोपत्र बोर्डबाट अनुमति पाएको छ । बोर्डले वैशाख १३ गते (बिहीबार) कम्पनीलाई सेयर निष्कासनको लागि अनुमति प्रदान गरेको हो ।
बोर्डबाट अनुमति पाएसंगै कम्पनीले स्थानियबासी तथा सर्वसाधारणलाई ८ करोड ७० लाख रुपैयाँ बराबरको ८ लाख ७० हजार कित्ता सेयर निष्कासन गर्नेछ । कम्पनीका अनुसार पहिलाे चरणमा आयाेजना प्रभावित स्थानीय र दाेस्राे चरणमा सर्वसाधारणका लागि सेयर निष्कासन गरी बाँडफाँड गरिनेछ ।
कम्पनीले सेयर निष्कासनको गरी बाँडफाँड गर्न सिद्धार्थ क्यापिटललाइ बिक्रि प्रबन्धक ताेकेकाे छ । कम्पनीले लमजुङ जिल्लाको मर्स्याङ्दी गाउँपालिका वडा नम्बर ४, स्याङ्गे नदीमा २.४ मेगावाट क्षमताको आयोजना निर्माण सम्पन्न गरी सञ्चालन गरीरहेको छ ।
