जगदुल्ला हाइड्रोमा रोजगारीको अवसर खुल्यो

काठमाडौं । जगदुल्ला हाइड्रो पावरमा रोजगारीको अवसर खुलेको छ । कम्पनीले डोल्पामा निर्माण हुन लागेको १०६ मेगावाटको जगदुल्ला जलविद्युत आयोजनामा खटाउने गरी कर्मचारीमा मागेको हो ।

तह ७ र ८ का ६ रिक्त पदपूर्ति गर्न आवेदन खुलाइएको कम्पनीले जनाएको छ । कम्पनीका अनुसार तह ७ का लागि ४ र तह ८ का लागि २ कर्मचारीको पद रिक्त छ ।

तह ८ को सिनियर इन्जिनियर र सिनियर जियोटेक इन्जिनियरको पदपूर्ति गर्न आवेदन खुलाइएको छ । सिनियर इन्जिनियरका लागि मान्यताप्राप्त शिक्षण संस्थाबाट सम्बन्धित विषयमा स्नातकोत्तर तह उत्तिर्ण गरी सम्बन्धित क्षेत्रमा अधिकृत स्तरको पदमा कम्तीमा चार वर्षको कार्यानुभव हुनुपर्नेछ ।

यस्तै, सिनियर जियोटेक इन्जिनियरका लागि पनि मान्यता प्राप्त शिक्षण संस्थाबाट सम्बन्धित विषयमा स्नाकोत्तर तह उत्तिर्ण गरी सम्बन्धित क्षेत्रमा अधिकृत तहको पदमा कम्तीमा ४ वर्षको कार्यानुभव भएको हुनुपर्नेछ ।

यस्तै, ७ तहका इन्फ्रास्ट्रक्चर सिभिल इन्जिनियर, वातावरण अधिकृत, इलेक्ट्रिकल इन्जिनियर, मेकानिकल इन्जिनियरको पद पूर्ति गर्न आवेदन माग गरिएको छ । यी सबै पदका लागि मान्यता प्राप्त शिक्षण संस्थाबाट सम्बन्धित विषयमा स्नातक तह उत्तिर्ण गरी सम्बन्धित क्षेत्रमा अधिकृत स्तरको पदमा कम्तीमा चार वर्षको कार्यानुभव हुनुपर्नेछ ।

इच्छुक योग्य व्यक्तिले २०७९ जेठ २६ गतेभित्र आवेदन दिन सक्नेछन् । आवेदक दिँदा बायोडाटा, नेपाली नागरिकताको प्रतिलिपि, शैक्षिक योग्यताको प्रमाणपत्रको प्रतिलिपि, पासपोर्ट साइजको फोटो र नेपाल इन्जिनियरीङ परिषदमा दर्ता  भएकाे प्रमाणपत्रकाे नाेटरी पब्लिकबाट प्रमाणीत प्रतिलिपीसहित बुझाउनुपर्नेछ । आवेदकमध्ये शैक्षिक प्रमाणपत्र र सम्बन्धित क्षेत्रमा बढी कार्यानुभव भएकाले रोजगारीको अवसर पाउनेछन् ।