ऊर्जा खबर
काठमाडौं । संखुवासभामा बग्ने सभा खोलामा ५ जलविद्युत आयोजना निर्माणका विभिन्न चरणमा रहेका छन् । निजी क्षेत्रले पहिचान गरी अघि बढाएका यी आयोजनाबाट करिब ४० मेगावाट विद्युत उत्पादन हुने अध्ययनले देखाएको छ ।
विद्युत विकास विभागका अनुसार त्यहाँ पहिचान भएका आयोजनाहरुमध्ये ८.३ सभा खोला ए, १५.१ मेगावाटको सभा खोला ‘बी’, ४.१ सुपर सभा खोला, ४.२ मेगावाटको सभा खोला ‘सी’ ९.५५ मेगावाटको सुपर सभा खोला ‘ए’ छन् ।
यी आयोजनामध्ये सबैभन्दा ठुलो आयोना १५.१ मेगावाटको सभा खोला ‘बी’ निर्माणाधीन छन् । यो आयोजना अर्वित इनर्जी प्रालिले निर्माण गरिरहेको छ । विभागबाट २०७३ फागुन ३० गते उत्पादन अनुमति लिई निर्माण सुरु गरेको थियो ।
दिव्यश्वरी हाइड्रोपावर कम्पनीले पनि ८.३ मेगावाटको सभा खोला जलविद्युत आयोजना निर्माण गरिरहेको छ । कम्पनीले २०७१ असोजमा उत्पादन अनुमति लिई आयोजना अघि बढाएको हो ।
अध्ययन पूरा भएका ४.१ मेगावाट सुपर सभा खोलाले भने उत्पादन अनुमतिका लागि विभागमा आवेदन दिएको तथ्याङ्कमा छ । कम्पनीले २०७७ साउन ९ गते उत्पादन अनुमतिका लागि आवेदन दिएको थियो ।
४.१९ मेगावाटको सभा खोला ‘सी’, ९.५५ मेगााटको सुपर सभा ए’ जलविद्युत आयोजनाका भने अध्ययन भइरहेको विभागको तथ्याङ्कमा उल्लेख छ । यही खोलामा ३.३३ मेगावाटको सभा खोलाले भने विद्युत उत्पादन गरिरहेको छ । दिव्यश्वरी हाइड्रो पावर कम्पनीले निर्माण सम्पन्न गरेको आयोजनाले २०७४ असोज ४ गतेदेखि नियमीत विद्युत उत्पादन गरिरहेको छ ।
