ऊर्जा खबर
काठमाडाैं । नेपाल विद्युत् प्राधिकरण लैनचाैरस्थित सबस्टेसनकाे ६६/११ केभी ट्रान्स्फर्मरभित्र बिरालाे पसेर धूवाँ निस्केपछि अकस्मात विद्युत् आपूर्ति बन्द गरिएकाे थियाे । आज (पुष २७ गते) साझ ५:१० बजे सेवामा समस्या आए पनि प्राधिकरणले २० मिनेटमै आपूर्ति सुचारु गरेकाे प्राधिकरणले जनाएकाे छ ।
धूवाँ निस्केर आपूर्ति बन्द हुँदा त्यहाबाट सप्लाइ हुने फिडरहरू ठमेल, दरबारमार्ग, नारायणहिटी संग्रहालय, गैरीधारा मार्फत सप्लाइ हुने क्षेत्रहरू नक्साल, अख्तियार, प्रहरी मुख्यालय, बालुवाटार प्रधानमन्त्री, सभामुख निवासमा सेवा बन्द भएकाे थियाे । प्राधिकरणले प्राविधिक मर्मत टोली तुरुन्तै खटाइ भिभिआइपी क्षेत्रमा २० मिनेटभित्रै सेवा सुचारु गरेकाे प्राधिकरणका प्रवक्ता मदन तिम्सिनाले बताए । उनका अनुसार बाकी क्षेत्रमा ४५ मिनेटमै लाइन जोडी सुचारु गरिएकाे थियाे ।
