११ वर्षदेखि लगातार प्रतिफल दिँदै अरुण भ्याली, याे पटक ८ प्रतिशत बाेनस सेयर

काठमाडौं । संखुवासभाको पिलुवा खोलामा ३ मेगावाटको पिलुवा खोला जलविद्युत आयोजना निर्माण सञ्चालनमा ल्याएको अरुण भ्याली हाइड्रो पावर डेभलपमेन्ट कम्पनी लिमिटेडले विगत ११ वर्षदेखि लगातार आफ्नो सेयरधनी सदस्यलाई प्रतिफल दिँदै आएकाे छ । कम्पनीले आर्थिक वर्ष २०६७/६८ देखि नगद लाभांश र बाेनस सेयर वितरण गर्दै आएकाे छ ।

कम्पनीले मंसिर १६ गते (शुक्रबार) बसेको कम्पनीको सञ्चालक समितिको बैंकठकाे निर्णय अनुसार आर्थिक वर्ष २०७८/७९ मा ८ प्रतिशत बाेनस सेयर दिने निर्णय गरेकाे छ । आव को मुनाफा र सञ्चितप्बाट हाल कायम रहेको चुक्ता पूँजी १ अर्ब ७२ करोड ९५ लाख ९५ हजार रुपैयाँको ८ प्रतिशत बोनस सेयर र ०.४२१ प्रतिशत कर प्रयोजनाका लागि नगद लाभांश दिने निर्णय भएको कम्पनीले जनाएको छ ।

कम्पनीले वितरण गरेका बाेनस र लाभांश ;

कम्पनीका अनुसार यो बोनस सेयर र नगद लाभांश विद्युत नियमन आयोगको स्वीकृती र कम्पनीको २५औं वार्षिक साधारणसभाले अनुमोदन गरे पश्चात वितरण हुनेछ ।

कम्पनीले वितरण गर्न लागेको बोनस सेयर र लाभांश आव २०७७/७८ को तुलनामा घटेको हो । यो वर्ष कम्पनीले आफ्नो सेयरधनी सदस्यलाई ०.५३ प्रतिशत नगद लाभांश र १० प्रतिशत बोनस सेयर दिएको थियो ।