ऊर्जा खबर
काठमाडौं । मान्डु हाइड्रो पावर लिमिटेडले १६ लाख कित्ता सेयर निष्कासन गर्न नेपाल धितोपत्र बोर्डमा आवेदन दिएको छ । कम्पनीले आयोजना प्रभावित स्थानीय र सर्वसधारणका लागि सेयर निष्कासन गर्न सोमबार (११ गते) आवेदन दिएको हो ।
सय रुपैयाँ अंकितमा १४८ रुपैयाँ थप गरेर सेयर निष्कासन गर्न लागेको कम्पनीले जनाएको छ । कम्पनीका अनुसार बोर्डबाट निष्कासनको लागि स्वीकृत
पाएपछि प्रिमिय सहित प्रतिकित्ता २४८ रुपैयाँका दरले ४० करोड ५८ लाख १९ हजार ७ सय ६० रुपैयाँ रकम बराबरको १६ लाख ३६ हजार ३ सय ७० कित्ता सेयर निष्कासन गर्नेछ ।
कम्पनीको सेयर निष्कासन गरी बाँडफाँड गर्न प्रभु क्यापिटल लिमिटेडलाई बिक्री प्रबन्धक तोकिएको छ । कम्पनीको २२ मेगावाटको बागमती नदी जलविद्युत आयोजना सञ्चालनमा छ । यो आयोजनाले निरन्तर विद्युत उत्पादन गरिरहेको छ ।
.jpg)
