• प्राधिकरण : ९८२८ मे.वा.घन्टा
  • सहायक कम्पनी : ५७९२ मे.वा.घन्टा
  • निजी क्षेत्र : ११७४२ मे.वा.घन्टा
  • आयात : ५५३१ मे.वा.घन्टा
  • निर्यात : मे.वा.घन्टा
  • ट्रिपिङ : मे.वा.घन्टा
  • ऊर्जा माग : ३२८९३ मे.वा.घन्टा
  • प्राधिकरण : ०० मे.वा.
  • सहायक कम्पनी : ०० मे.वा.
  • निजी क्षेत्र : ०० मे.वा.
  • आयात : ०० मे.वा.
  • निर्यात : ०० मे.वा.
  • ट्रिपिङ : ०० मे.वा.
  • उच्च माग : १५५७ मे.वा.
×

झापा इनर्जीले १० मेगावाटको सौर्य आयोजना निर्माण गर्ने

२०७८ फाल्गुण १९

काठमाडौं । झापा इनर्जी लिमिटेडले १० मेगावाटको सौर्य आयोजना निर्माण गर्ने भएको छ । प्रदेश नम्बर १ को झापा जिल्लाको शिवसताक्षी नगरपालिकामा पहिचान भएको आयोजना अघि बढाउन लागेको छ । 

अध्ययन पूरा भएको आयोजनाको उत्पादन अनुमतिपत्र लिने प्रक्रिया अन्तिम चरणमा पुगेको छ । विद्युत विकास विभागले कम्पनीलाई उत्पादन अनुमतिपत्र दिन ३५ दिने सूचना जारी गरेको छ ।

वातावरणीय प्रभाव मूल्याङकन प्रतिवेदन र आयोजनाको अध्ययन रिपोर्टका आधारमा प्रवद्र्धक कम्पनीलाई उत्पादन अनुमतिपत्र दिने तयारी भइरहेको छ । विभागले अनुमतिपत्र जारी गर्नुअघि आयोजना निर्माण तथा सञ्चालन गर्दा पर्न सक्ने प्रतिकुल असरका बारेमा सम्बन्धित सरोकारवालासँग राय÷सुझाव मागेको छ ।

विभागले  सूचना जारी भएको  मितिले ३५ दिनभित्र प्राप्त हुने गरी राय÷सुझाव पठाउन सरोकारवाला समक्ष आग्रह गरेको छ । विभाग वा प्रवद्र्धक कम्पनीको कार्यालयमा प्राप्त हुने गरी सरोकारवालाले आफ्नो राय÷सुझाव पठाउन सक्ने विभागले जनाएको छ ।

आयोजनाको मुख्य संरचना जिल्लाको शिवसताक्षी नगरपालिको वडा नम्बर ४ स्थित करिब १,६५,०० वर्ग मिगर जग्गामा पर्दछ ।

आयोजना निर्माण पूरा भएपछि १७.६१ गिगावाट घन्टा विद्युत उत्पादन हुने कम्पनीले जनाएको छ । कम्पनीका अनुसार आयोजनाबाट उत्पादन भएका विद्युत ३३ केभी प्रसारण लाइन मार्फत बुलुचोक वितरण केन्द्र, झापामा जोडिनेछ ।

प्रतिक्रिया

सम्पादक : लक्ष्मण वियोगी
© 2022 Urja Khabar. All rights reserved
विज्ञापनको लागि सम्पर्क +977-1-5321303
Site By : Nectar Digit