images
images
images
  • प्राधिकरण : ९५५६ मे.वा.घन्टा
  • सहायक कम्पनी : ६००३ मे.वा.घन्टा
  • निजी क्षेत्र : १०५३४ मे.वा.घन्टा
  • आयात : मे.वा.घन्टा
  • निर्यात : १३६१ मे.वा.घन्टा
  • ट्रिपिङ : मे.वा.घन्टा
  • ऊर्जा माग : २६०९२ मे.वा.घन्टा
  • प्राधिकरण : ०० मे.वा.
  • सहायक कम्पनी : ०० मे.वा.
  • निजी क्षेत्र : ०० मे.वा.
  • आयात : ०० मे.वा.
  • निर्यात : ०० मे.वा.
  • ट्रिपिङ : ०० मे.वा.
  • उच्च माग : १४१० मे.वा.
×

रुफटप साेलारकाे ४ किलोवाट विद्युत ग्रिडमा

२०७८ कार्तिक २१

काठमाडौं । भक्तपुरको बालकोटस्थित एउटा घरकाे छाना (रुफटप) मा साेलार प्रविधि जडान गरी उत्पादन भएकाे ४ किलाेवाट विद्युत राष्ट्रिय प्रसारण प्रणालीमा जाेडिएकाे छ । बालकोटका स्थानीय गोपाल संग्रौलाले घरयासी प्रयाेजनका लागि घरकाे छानामा राखेकाे साेलार प्यानलबाट उत्पादन भई खपत हुन नसकेर बढी भएको विद्युत नेपाल विद्युत प्राधिकरणकाे प्रसारण ग्रिडमा जाेडेका हुन् ।

प्राधिकरणलाई प्रतियुनिट ७.३० रुपैयाँमा बिक्री गर्ने गरी रुफटपमा उत्पादन भएकाे विद्युत प्रसारण प्रणालीमा जाेडेकाे संग्राैलाले बताए । उनका अनुसार घरकाे छानामा साेलार प्रविधि जडान कार्य सकिएपछि गत कात्तिक ८ गतेदेखि विद्युत उत्पादन सुरु  गरिएकाे हाे । 

 प्राधिकरणले रुफटपबाट उत्पादन भई प्रसारण प्रणालीमा जाेडिने विद्युत तथा संग्राैलाले प्रणालीबाट खपत गर्ने विद्युतकाे नेट मिटरिङका लागि स्मार्ट मिटर जडान गरिदिएकाे छ । 

प्राधिकरणसँग २०७८ भदौ २० गते विद्युत खरिद सम्झौता (पिपिए) गरी साेलार प्यानल जडानकाे काम सुरु गरिएकाे थियाे। ‘रुफटप साेलारबाट मासिक करिब ६ सय युनिट विद्युत उत्पादन हुन्छ,’ उनले ऊर्जा खबरसँग भने, ‘घरमा खपत भएर बाँकी  विद्युत  प्राधिकरणले खरिद गर्छ।’

रुफटप साेलार आयोजनाका लागि आवश्यक सबै उपकरण भारतबाट आयात गरेको पनि संग्रौलाले बताए । रुफटप साेलार आयोजनामा ३३० वाट क्षतमाका १२ थान सोलार प्यानल जडान गरिएको छ । रुफटप साेलार आयोजना सम्पन्न गर्न करिब ४ लाख रुपैयाँ खर्च भएको छ । 

प्रतिक्रिया

सम्पादक : लक्ष्मण वियोगी
© 2021 Urja Khabar. All rights reserved
विज्ञापनको लागि सम्पर्क +977-1-5321303
Site By : Nectar Digit