ऊर्जा खबर
काठमाडौं । पेट्रोलियम व्यवसायीहरुले आन्दोलन स्थगित गरेका छन् । नेपाल आयत निगम र आन्दोलनरत व्यवसायीबीच चार बुदे सहमति भएसँगै व्यवसायीहरुले आन्दोलन फिर्ता लिएका हुन् । पेट्रोलियम बिक्रेता कमिसन र भाडा ढुवानी भाडा बढाउने सम्बन्धमा ७ दिनभित्र नयाँ निष्कर्ष निकाल्ने सहमतिपछि आन्दोलन फिर्ता लिएका हुन् ।
आन्दोलनरत नेपाल पेट्रोलियम डिलर्स राष्ट्रिय एशोसिएशन, नेपाल एल.पी.ग्यास उद्योग संघ र नेपाल पेट्रोलियम डुवानी महासंघले सार्वजानिक गरेको विरोधका कार्यक्रम शनिबार १९ गते बाट स्थगित गरी पेट्रोलियम पदार्थ तथा एलपी ग्यासको विक्री वितरणको कार्यलाई यथावत् रुपमा सञ्चालन गरिएको छ ।
निगमका अनुसार पेट्रोलियम पर्दाथका उपभोक्ताहरुलाई सहज र सरल ढंगले उपलब्ध गराउन सम्पूर्ण डिपो कार्यलयहरु आईतबार बिहान ८ बजे बाट सञ्चालन गरेको जनाएको छ ।
