ऊर्जा खबर
काठमाडौँ । ९.९ मेगावाटको हेवाखोला-ए साना जलविद्युत् आयोजना निर्माण गरिरहेको ह्याबिट्याट पावर कम्पनीको साधारण शेयर (आईपीओ) निष्कासन तथा बिक्री प्रबन्धकमा मुक्तिनाथ क्यापिटल नियुक्त भएको छ ।
शेयर निष्काशन सम्बन्धी सम्झौतामा ह्याबिट्याट पावर कम्पनीका कार्यकारी अध्यक्ष बटु लामिछाने तथा मुक्तिनाथ क्यापिटल लिमिटेडका प्रमुख कार्यकारी अधिकृत कविन्द्रध्वज जोशीले हस्ताक्षर गरे । कम्पनीले जारी पुँजीको १० प्रतिशत अर्थात् ५ लाख ५० हजार कित्ता साधारण शेयर आयोजना प्रभावित स्थानीय र बाँकी १० प्रतिशत अर्थात ५ लाख ५० हजार कित्ता शेयर सर्वसाधारणलाई जारी गर्ने जनाएको छ ।
७० प्रतिशत काम पूरा भएको आयोजनाबाट चालू आर्थिक वर्षको चैतसम्म निर्माण सम्पन्न गर्ने लक्ष्य रहेको कम्पनीले जनाएको छ । प्रतिमेगावाट १९ करोड रुपैयाँमा आयोजनाको निर्माण पूरा गर्ने कम्पनीकाे योजना रहेको छ ।
