बेतन–दोधारा ४०० केभी विद्युत् प्रसारण लाइन आयोजना सम्बन्धी सार्वजनिक सुनुवाइ हुँदै

काठमाडौँ । राष्ट्रिय प्रसारण ग्रिड कम्पनी लिमिटेडद्वारा निर्माण प्रस्ताव गरिएको बेतन–दोधारा ४०० केभी विद्युत् प्रसारण लाइन आयोजना सम्बन्धी सार्वजनिक सुनुवाइ हुने भएको छ । उक्त सार्वजनिक सुनुवाइ आयोजनाको प्रभावित क्षेत्रमा पर्ने सुर्खेत र कैलालीका विभिन्न ३ स्थानमा हुने भएको हो । 

कात्तिक २३ गते कैलालीको बर्दगोरिया गाउँपालिका भवनमा, २४ गते सुगरखाल मोहनलाल गाउँपालिका–१ चोँसेडाँडामा र २६ गते सुर्खेतस्थित चौकुने गाउँपालिका–४ बागमारामा रहेको बेतन सबस्टेसनमा हुने कम्पनीले जनाएको छ ।

कम्पनीले कर्णाली नदी कोरिडोरका जलविद्युत् आयोजनाबाट उत्पादन हुने २ हजार ६४७ मेगावाट विद्युत् प्रसारण गर्न बेतन सबस्टेसनदेखि दोधारा सबस्टेसनसम्म ३६.७१ किलोमिटर  लामो प्रसारण लाइन निर्माण गरिरहेको छ ।