ऊर्जा खबर
काठमाडौं । नेपाल विद्युत प्राधिकरणले भक्तपुर–ठिमी १३२ केभी भूमिगत डबल सर्किट प्रसारण लाइन निर्माण गर्ने भएको छ । प्राधिकरणले ३.२७ किलोमिटर लामाे भुमिगत लाइन निर्माण गर्न लागेको हो ।
प्रसारण लाइनको प्रारम्भिक वातावरणीय परिक्षण प्रतिवेदन तयारीको काम अन्तिम चरणमा पुगेको प्राधिकरणले जनाएको छ । प्राधिकरणाका अनुसार लाइन निर्माण गर्दा सो क्षेत्रको प्राकृतिक भौतिक, जैविक, सामाजिक, साँस्कृतिक र आर्थिक प्रणालीबीच पर्ने प्रभावको बारेमा स्थानीयसँग राय/सुझाव माग गरिएको छ ।
लाइन निर्माण गर्दा विद्यालय, अस्पताल, स्वास्थ्य चौकी तथा सरोकारवाला व्यक्ति वा संस्थामा पर्नसक्ने असरबारे लिखित राय सुझाव माग गरिएको छ । इच्छुकले आगामी ७ दिनभित्र लिखित राय सुझाव उपलब्ध गराउन प्राधिकरणले अनुरोध गरेको हो । इच्छुकले अफ्नो राय/सुझाव प्राधिकरणको वातावरण तथा सामाजिक अध्ययन विभागमा पठाउन सक्नेछन् ।
लाइन निर्माण गर्दा भक्तपुर जिल्लाको भक्तपुर नगरपालिका वडा नम्बर १ र २, चाँगुनारायण नगरपालिकाको वडा नम्बर २ तथा मध्यपूर ठिमी नगरपालिकाको वडा नम्बर ५,६ र ९ प्रभावित हुनेछ ।
प्रस्तावित प्रसारण लाइन देको मिवा इटापाके जग्गा एकीकरण आयोजना, कासँगकुसँग खोलाको किनारवाट पुरानो सडक हुँदै थिमी सवस्टेसनसम्मको विद्यमान सडकमा डिलिङ वा ओपन कट ट्रेन्च खनेर विद्युतको केवल जमिन मुनिवाट लगिनेछ । केवल ट्रेन्च २ मिटर चौडा २ मिटर गहिरो हुनेछ ।
ज्वाइन्ट्स पिट ४ मिटर चौडा, ६ मिटर लामो र २ मिटर गहिरो हुनेछ । सवस्टेसन र भूमिगत विद्युत मार्गका लागि कुनै पनि प्रकारको जग्गा अधिग्रहण नहुने प्राधिकरणले जनाएको छ ।
