ऊर्जा खबर
काठमाडौँ । एपोलो हाइड्रोपावर लिमिटेडले प्राथमिक सेयर (आइपिओ) निष्कासनको अनुमति पाएको छ । नेपाल धितोपत्र बोर्ड (सेबोन) ले कम्पनीलाई मंगलबार अनुमति दिएको हो ।
अनुमति अनुसार कम्पनीले प्रतिकित्ता १०० रुपैयाँ अंकित दरका १४ करोड १० लाख रुपैयाँ बराबरको १४ लाख १० हजार कित्ता साधारण सेयर निष्कासन गर्ने छ ।
आइपिओमार्फत कम्पनीले जलविद्युत् आयोजनाका लागि पुँजी जुटाउने भएको हो । कम्पनीको यस शेयर निष्कासन तथा बिक्री प्रबन्धकमा हिमालयन क्यापिटल लिमिटेड नियुक्त भइसकेको छ ।
कम्पनीले ओखलढुङ्गामा ६ मेगावाटको बुकुखोला जलविद्युत् आयोजना प्रवर्द्धन गरेको छ ।
