ऊर्जा खबर
काठमाडौं । नेपाल विद्युत प्राधिकरण अन्तर्गतको आधिकारिक ट्रेड युनियनको रूपमा क्रियाशील राष्ट्रिय कर्मचारी युनियनले बिहीबार (बैशाख २२ गते) आफ्नो ३२औं वार्षिकोत्सव मनाएको छ । उक्त अवसरमा ब्याडमिन्टन खेल आयोजना गरेको त्यसमा प्रथम, द्वित्तीय र तृतीय हुनेलाई पुरस्कार तथा ट्रफी वितरण गरिएको छ ।
ब्याडमिन्टन खेलमा टेक बुढा र भुपेन्द्र बिसीको टिम प्रथम भएको थियो भने द्वित्तीय हुने विष्णु मास्ेक र सरोज तामाङ, तृतीय हुने खगेन्द्र शाही र रत्न श्रेष्ठ तथा राजु महर्जन र चन्द्रदास काररञ्जितको टिम थियो । विजेताहरूलाई पदक, ट्रफी, प्रमाणपत्रका साथै पुरस्कार प्रदान गरिएको युनियनले जानकारी दिएको छ ।
बिहीबार साँझ, कार्यक्रम सम्पन्न भएपछि युनियनले कर्मचारीहरूको उत्साहजनक सहभागितामा प्राधिकरण परिसरमा दिपावली गरी वार्षिकोत्सव सपमापन गरेको थियो । कार्यक्रममा प्राधिकरणका कार्यकारी निर्देशक कुलमान घिसिङ सहित उच्च पदाधिकारीको उपस्थिति रहेको जनाइएको छ ।
