ऊर्जा खबर
काठमाडौँ । सुनसरीमा सञ्चालित रिलायन्स स्पिनिङ मिल्सले डेडिकेटेड फिडर तथा ट्रंक लाइनको विद्युत् प्रयोग गरेबापतको बक्यौता महसुलको पहिलो किस्ता तिरेपछि उद्योगमा विद्युत् आपूर्ति सुचारु गरिएको छ । उद्योगले बिहीबार नेपाल विद्युत् प्राधिकरणलाई बक्यौता महसुलबापतको पहिलो किस्ता बुझाएको प्राधिकरणका कार्यकारी निर्देशक मनोज सिलवालले बताए ।
रिलायन्सले २०७२ माघदेखि २०७५ वैशाखसम्ममा डेडिकेटेड तथा ट्रङ्क लाइन प्रयोग बापतको प्रिमियम महसुलको पहिलो किस्ता बुझाएका हो । रिलायन्सको ७५ करोड ३७ लाख रुपैयाँ बक्यौता रहेको छ । बक्यौतालाई २८ किस्तामा विभाजन गरी रिलायन्सले २ करोड ७७ लाख रुपैयाँ पहिलो किस्ता बुझाएको हो ।
२८ मध्ये पहिलो किस्तालाई धरौटी रकम मानेर पुनरावलोकनमा जान पाइने प्रधानमन्त्री सुशीला कार्कीसँग मौखिक सहमति भएको भन्दै उद्योगीहरूले पछिल्लो समय बक्यौता महसुल बुझाउन थालेका हुन् ।
.jpg)
