ऊर्जा खबर
काठमाडौं । एनएमबी बैंकले आफ्ना सेयरधनी सदस्यहरूलाई ८.२५ प्रतिशत नगद लाभांश दिन घोषणा गरेको छ । बैंकको सञ्चालक समितिको मंसिर १९ गते (सोमबार) बसेको बैंठकले सेयरधनी सदस्यलाई नगद लभांश दिने निर्णय गरेको हो ।
आर्थिक वर्ष २०७८/७९ को चुक्ता पुजी १८ अर्ब ३६ करोड ६७ लाख ५ हजार ९ सय ५९ रुपैयाँको ८.२५ प्रतिशतका दरले लाभांश दिन लागेको बैंकले जनाएको छ । बैंकका अनुसार साधारण सभाले पारित गरेपछि लाभांश वितरण हुनेछ ।
एनएमबि बैंक एउटा विगत २ वर्षदेखि अनवरत रुपमा बैंकिङ्ग सेवा सुविधा प्रदान गर्दै आएको नेपाल राष्ट्र बैंकबाट ‘क’ वर्गको इजाजत प्राप्त एक अग्रणी वित्तीय संस्था हो ।एनएमबि बैंक द फाइनान्सियल टाइम्स लन्डनको ‘द ब्यान्कर’ पत्रिकाबाट एसियाकै सर्वाेत्कृष्ट बैंकको उपाधी ‘बैंक अफ द ईयर एसिया २०२१’ अवार्डबाट सम्मानित भएको बैंक हो ।
बैंकले सन् २०१७, २०१८, २०२० र २०२१ मा पनि नेपालकैे उत्कृष्ट बैंकको सम्मान ‘बैंक अफ द इयर नेपाल’ प्राप्त गरिसकेको छ । यस बैंकले हाल देशभरी २०१ शाखाहरु, १३८ एटीएमहरू, ११ एक्सटेन्सन काउन्टरहरू मार्फत उच्चस्तरीय बैंकिङ्ग सेवा प्रदान गर्दै आइरहेको छ ।
