ऊर्जा खबर
काठमाडौं । नेपालको बिजुली भारतको भूमि हुँदै बंगलादेश निर्यात गर्न त्रिपक्षीय सम्झौता गर्ने विषयमा सैद्धान्तिक पक्षमा छलफल अघि बढेको छ । नेपाल–भारत सचिवस्तरीय संयुक्त निर्देशक समिति (जेएससी) को शुक्रबार चितवनको मेघौलीमा सम्पन्न बैठकमा यस्तो सैद्धान्तिक छलफल भएको हो ।
भारतको प्रसारण लाइन सञ्जाल प्रयोग गर्दै नेपालबाट ४० मेगावाट विद्युत् बंगलादेश लैजान उक्त बैठकमा छलफल भएको हो । नेपालका ऊर्जा सचिव गोपाल सिक्देल र भारतीय समकक्षी पंकज अग्रवालको नेतृत्वमा रहेको दुई देशको टोलीबीच छलफल भएको हो ।
उक्त छलफल अनुसार नेपाल विद्युत् प्राधिकरण, भारतको एनटिपिसी विद्युत् व्यापार निगम र बंगलादेशको पावर डेभलपमेन्ट बोर्डबीच छिट्टै यसबारे त्रिपक्षीय सम्झौता गरिने गरी छफल अघि बढेको ऊर्जा मन्त्रालयका प्रवक्ता नवीनराज सिंहले जनानकारी दिएका छन् ।
