पिपुल्स पावरले साउन ३१ गतेदेखि २२ लाख कित्ता सेयर जारी गर्दै 

काठमाडौं । पिपुल्स पावर कम्पनीले आगमी साउन ३१ गतेदेखि साधरण सेयर निष्कासन गर्ने भएको छ । कम्पनीले इलाममा निर्माणाधीन ४.९६ मेगावाटको पुवा खोला जलविद्युत आयोजनाले सर्वसाधरणका लागि छुट्याएकाृे साधारण सेयर निष्कासन गर्न लागेको हो । 

सय रुपैयाँ अंकित २४ लाख ६७ हजार ४०० कित्ता सेयरमध्ये २ प्रतिशत हुन आउने अर्थात ४९ हजार ३ सय ४८ कित्ता सेयर कम्पनीका कर्मचारीका लागि र ५ प्रतिशत हुन आउने अर्थात १ लाख २३ हजार ३ सय ७० कित्ता सामूहिक लगानी कोषका लागि बाँडफाँड गरिएको कम्पनीले जनाएको छ । कम्पनीका अनुसार बाँकी रहेको २२ लाख ९४ हजार ६ सय ८२ कित्ता सर्वसाधारणको लागि निष्कासन गरिनेछ । 

सार्वसाधारणले छिटोमा भदौ ५ गतेसम्म र ढिलोमा भदौ १४ गतेसम्म आवेदन दिन सक्नेछन् । सर्वसाधरणले न्यूनतम १० कित्तादेखि अधिकत्तम ५० हजार कित्तासम्म आवेदन दिन पाउँनेछन् ।

कम्पनीेको सेयर निष्कासन गरी बाँडफाँड गर्न प्रभु क्यापिटल लिमिटेडलाई बिक्री प्रबन्धक तोकिएको छ । कम्पनीको इलाममा ४.९६ मेगावाटको पुवा खोला जलविद्युत आयोजना निर्माणधीन छ ।