ऊर्जा खबर
काठमाडौं । निर्माणाधीन तथा निर्माणको तयारीमा रहेको जलविद्युत आयोजनामा खटाउनेगरी जेड कन्सल्ट प्रालीले ४ कर्मचारीको माग गरेको छ । निजी तथा सरकारी निकायले अघि बढाएको आयोजनामा खटाउने गरी कर्मचारी माग गरेको हो ।
निवासी इन्जिनियर, भुगर्भविद, सिभिल इन्जिनियर र सर्वेक्षक माग गरेको कम्पनीले जनाएको छ । कम्पनीका अनुसार निवासीय इन्जिनियरका लागि सिभिल इन्जिनियर विषयमा स्नाकोत्तर तह उत्तीर्ण गरी हाइड्रो पावर क्षेत्रमा कम्तीमा पनि १० वर्ष काम गरेको अनुभव हुनुपर्नेछ ।
भुगर्भविदका लागि भु–विज्ञान विषयमा स्नाकोत्तर तह उत्तीर्ण गरी हाइड्रो पावर क्षेत्रमा कम्तीमा पनि ७ वर्ष काम गरेको अनुभव हुनुपर्ने कम्पनीले जनाएको छ । यसका लागि हाइड्रो पावरको सुरुङमा काम गरेको अनुभव हुनुपर्नेछ ।
यसैगरी, सिभिल इन्जिनियरका लागि भने सिभिल इन्जिनियरीङमा स्नातक गरी हाइड्रो पावर क्षेत्रमा ५ वर्ष काम गरेको अनुभव चाहिनेछ । सर्वेक्षकका लागि ज्यामितीय र सिभिल इन्जिनियरमा डिप्लोमा पास गरी कम्तीमा पनि ५ वर्ष हाइड्रो पावर क्षेत्रमा काम गरेको हुनुपर्नेछ ।
इच्छुक योग्य व्यक्तिले चैत १ गतेसम्म आवेदन दिनु पर्नेछ । आवेदन दिँदा बायोडाटा, नेपाली नागरिकताको प्रतिलिपि, शैक्षिक योग्यताको प्रमाणपत्रको प्रतिलिपि र पासपोर्ट साइजको फोटोसहित बुझाउनु पर्नेछ ।
