ऊर्जा खबर
काठमाडौँ । तल्लो हेवाखोला ‘ए’ जलविद्युत् आयोजनाको वित्तीय व्यवस्थापन पूरा भएको छ । पाँच खपन हाइड्रोपावर प्रालिले संखुवासभाको वाना, बानेश्वर, जलजला र चैनपूरमा प्रवर्द्धन गर्न लागेको ६.८४८ मेगावाटको आयोजनामा लगानी जुटेको हो ।
कुल १ अर्ब ४० करोड ३५ लाख रुपैयाँ लगानी अनुमान गरिएको आयोजनामा ७० प्रतिशत बैंक ऋण र ३० प्रतिशत स्वपुँजी लगानी गर्ने गरी वित्तीय व्यवस्थापन गरिएको हो । आयोजनामा सिद्धार्थ बैंकले ५० करोड र राष्ट्रिय वाणिज्य बैंकले ४८ करोड १७ लाख रुपैयाँ लगानी गर्ने गरी आइतबार ऋण सम्झौता भएको छ ।
सम्झौता पत्रमा सिद्धार्थ बैंकका ऋण प्रमुख अमित श्रेष्ठ, राष्ट्रिय वाणिज्य बैंकका दामोदर ज्ञवाली र पाँच खपन हाइड्रोपावर प्रालिको तर्फबाट अध्यक्ष बसन्तकुमार तामाङले सम्झौतापत्रमा हस्ताक्षर गरेका छन् ।
कम्पनीले यस आयोजना २०८३ चैत्रमा सम्पन्न गर्ने लक्ष्य लिएको छ । आयोजनाबाट उत्पादन हुने विद्युत् नेपाल विद्युत् प्राधिकरको ३३ केभी वानेश्वर सबस्टेसनमा जोडिने छ ।
कार्यक्रममा सिदार्थ बैंक लिमिटेडका नायव प्रमुख कार्यकारी अधिकृत रामेश्वरप्रसाद बस्याल र पाँच खपन हाइड्रोपावर प्रालिका निर्देशक उदयकान्त झाको समेत उपस्थिति थियो ।
.jpg)
