८ वर्षभित्र ७३ लाख घरधुरीमा वैकल्पिक ऊर्जाबाट सेवा विस्तार गरिने

काठमाडौं । वैकल्पिक ऊर्जा प्रवर्द्धन केन्द्रले आगामी ८ वर्षभित्र ७३ लाख घरधुरीमा वैकल्पिक ऊर्जाबाट विभिन्न सेवा पुर्याउने योजना बनाएको छ । केन्द्रले वायु, साेलार, बायाेग्यास, लघुजलविद्युतबाट सेवा विस्तार गर्ने याेजना बनाएकाे हाे ।

अागामी २०३० भित्रमा उक्त घरधुरीमा सेवा विस्तार गर्ने याेजना रहेकाे केन्द्रले जनाएकाे छ । ४० लाख घरधुरीमा भने आधुनिक प्रवृत्तिको चुलो पुर्याउने योजना बनाएको हो । सुधारिएकाे चुलाे, विद्युीय चुलाे, वायाेग्यासले परम्परागत ऊर्जालाइ विस्थापित गर्ने लक्ष्य राखिएकाे केन्द्रले जनाएकाे छ ।

केन्द्रले हालसम्म ४ लाख ३९ हजार ५ सय ४७ घरधुरीमा ग्रामीण वायोग्यासबाट सेवा पुर्याएकाे छ । यस्तै, १४ लाख २३ हजार २ सय ४३ घरधुरीमा सुधारिएको चुलो र २२ हजार ६ सय ९९ घरधुरीमा विद्युतीय चुलाे पुर्याएकाे छ ।

हालसम्ममा ३६ लाख बढी घरधुरीमा वैकल्पिक ऊर्जाबाट सेवा पुर्याएको केन्द्रले जनाएको छ । केन्द्रको अनुसार विद्युत सेवा नपुगेको दुर्गम क्षेत्रमा सौर्य, वायु, लघुजलविद्युत तथा जैविक ऊर्जाबाट ८० मेगावाट विद्युत उत्पादन गरी सेवा पुर्याएको हाे ।