ऊर्जा खबर
काठमाडौँ । भगवती हाइड्रोपावर डेभलपमेन्ट कम्पनी लिमिटेडले आफ्ना सेयरधनीलाई १४ प्रतित बोनस सेयर वितरण गरेको छ । कम्पनीले आर्थिक वर्ष २०८१/८२ को मुनाफाबाट उक्त सेयर वितरण गरेको हो ।
कम्पनीले यसअघि नै उक्त बोनस सेयरको कर प्रयोजनका लागि समेत गरी ६ प्रतिशत नगद लाभांश वितरण गरेको थियो । कात्तिक २ गते सम्पन्न २५औँ वार्षिक साधारण सभाबाट पारित गरेको उक्त बोनस सेयर तथा लाभांश वितरणको निर्णय कम्पनीले हाल कार्यान्वयन गरेको हो ।
कम्पनीले नगद लाभांश कात्तिक १४ गतेदेखिनै वितरण गरेको थियो । बोनस सेयर भने दोस्रो बजारमा सूचीकृत भएपछि वितरण गरेको हो । कम्पनीले दोस्रो बजारमा फागुन १७ गते बोनस सेयर सूचीकृत गराई फागुन १९ गतेदेखि सम्बन्धित सेयरधनीको हितग्राही खातामा बोनस सेयर वितरण गर्न थालेको हो ।
लाभांश तथा साधारण सभा प्रयोजनका लागि कम्पनीले असोज २१ गते एक दिन बुक क्लोज गरेको थियो । बुक क्लोजको आधारमा असोज २० गतेसम्म कायम सेयरधनीह मात्र कम्पनीको लाभांश प्राप्त गरेका छन् । कम्पनीको सेयर रजिष्ट्रारमा सिद्धार्थ क्यापिटल लिमिटेड रहेको छ ।
कम्पनीले कास्कीमा ४.५ मेगावाटको विजयपुर–१ साना जलविद्युत् केन्द्र सञ्चालन गरिरहेको छ ।
