ऊर्जा खबर
काठमाडौँ । ५३.५ मेगावाटको माथिल्लो म्याग्दी–१ जलविद्युत् आयोजनाको मुख्य सुरुङमध्ये २,५०६.३९ मिटर 'ब्रेक थ्रु' (छिचोचिनु) भएको छ । अब करिब १३०० मिटर बाँकी रहेको छ ।
अबको एक वर्षभित्र निर्माण पूरा गरी विद्युत् उत्पादन गर्ने लक्ष्य राखिएको आयोजनाको अहिलेसम्म करिब ५६ प्रतिशत काम सकिएको जनाइएको छ । ऊर्जा डेभलपर्सको सहायक कम्पनी अपर म्याग्दी हाइड्रोपावर लिमिटेडले प्रवर्द्धन गरेको आयोजना म्याग्दी जिल्लाको धवलागिरि र मालिका गाउँपालिकामा निर्माण भइरहेको छ ।
वार्षिक ३१५.०१ गिगावाट घण्टा विद्युत् उत्पादन हुने विद्युत् विद्युत्गृहबाट करिब १.५ किलोमिटर दूरीमा नेपाल विद्युत् प्राधिकरणले निर्माण गरेको डाँडाखेलत सबस्टेसनमा जाेडिने छ । आयोजनामा नेपाल इन्फ्रास्ट्रक्चर्स इन्भेष्टमेन्ट फन्ड अन्तर्गतको ग्लोबल इक्विटी फन्ड लिमिटेडले पनि लगानी गरेको छ ।
.jpg)