ऊर्जा खबर
काठमाडौं । विद्युत नियमन आयोगले अरुण भ्याली हाइड्रो पावर डेभलपमेन्ट कम्पनी लिमिटेड र रिडी पावर कम्पनी लिमिटेडलाई हकप्रद सेयर निष्कासन गर्न अनुमति दिएको छ । आयोगले सेयरधनी सदस्याका लागि छुट्याएको सेयर निष्कासन गर्न अनुमति दिएको हो ।
अरुण भ्याली हाइड्रो पावरले चुक्त पुँजी १ अर्ब ८६ करोड ७९ लाख ६२ हजार ६ सय रुपैयाँ रकम बराबरको १ः१ को अनुपातमा हकप्रद सेयर निष्कासन गर्ने अनुमति पाएको छ । कम्पनीको संखुवासभामा ३ मेगावाटको पिलुवा खोला साना जलविद्युत आयोजना र ९.८४ मेगावाटको काबेली बी–१ क्यासकेड जलविद्युत आयोजना सञ्चालनमा छन् ।
यसैगरी, रिडी पावरले चुक्ता पूँजी १ अर्ब ५४ करोड ८९ लाख १ हजार २ सय रकम बराबरको १ः०.५० को अनुपातमा अनुमति पाएको हो । कम्पनीको ८.५ मेगावाटको बुटवल सौर्य विद्युत र २.४ मेगावाटको रिडी खोला गरी १०.९ मेगावाटको दुई जलविद्युत आयोजना सञ्चालनमा छन् ।
