ऊर्जा खबर
रसुवा । रसुवागढी नाका हुँदै चीनमा उत्पादित विद्युतीय सवारीसाधनको आयात पछिल्लो १० वर्षमा १४ हजार ५०० नाघेको छ । विद्युतीय सवारीको आयात बढ्दै गएपछि टिमुरे, घट्टेखोला, रसुवागढी क्षेत्रमा ती वाहन थन्किएका छन् । आयातकर्ताले भन्सार प्रक्रिया पूरा नगर्दा ठूलो सङ्ख्यामा ती सवारीसाधन थन्किएका हुन् ।
रसुवा भन्सार कार्यालयका सूचना अधिकारी रवीन्द्र प्याकुरेलका अनुसार दुई २ हजार ५७० सवारीसाधनको भन्सार जाँचपास भइसकेको छ । ती सवारी साधन काठमाडौँतर्फ प्रस्थान गरिसकेका छन् ।
पछिल्लो समय देशमा विद्युत्सँगै विद्युतीय सवारी साधनका लािग चार्जिङ स्टेशनको सङ्ख्या तथा सञ्जाल बढ्दै जाँदा यस्ता सवारीको प्रयोग समेत उल्लेख रूपमा बढेको छ । विद्युतीय सवारी साधनले कार्बन उत्सजर्न नगर्ने तथा वातावरणमैत्री हुने हुनाले यसप्रतिको आकर्षण बढ्दो छ ।
