ऊर्जा खबर
काठमाडौँ । नेपाल विद्युत् प्राधिकरणले शङ्खमुल फिडरबाट विद्युत् वितरण भइरहेका क्षेत्रमा शुक्रबार र शनिबार दिउँसो ५/५ घण्टा विद्युत् आपूर्ति बन्द रहने जनाएको छ । बानेश्वर वितरण केन्द्रको कार्यक्षेत्रमा पर्ने काठमाडौँ उपत्यका पश्चिम वितरण प्रणाली सुदृढीकरण आयोजनाअन्तर्गत वितरण लाइन भूमिगत गर्ने कार्यका लागि सेवा बन्द रहने प्राधिकरणले सूचना मार्फत जानकारी गराएको हो ।
सूचना अनुसार उक्त फिडरअन्तर्गतका बागमती अपार्टमेन्ट, बुद्ध विहार, शङ्खमुल पुल क्षेत्रमा शुक्रबार बिहान ११ बजेदेखि अपरान्ह ४ बजेसम्म आपूर्ति बन्द रहने छ ।
त्यस्तै, रोजबर्ड स्कुल, भृगु मार्ग तथा रुद्रमती मार्ग क्षेत्रमा शनिबार बिहान ११ बजेदेखि अपराह्न ४ बजेसम्म विद्युत् सेवा बन्द रहने भएको छ ।
लाइन भूमिगत कार्य समयअगावै सम्पन्न भएको अवस्थामा उल्लिखित समयभन्दा अगावै आपूर्ति सुचारु गरिने समेत प्राधिकरणले जनाएको छ ।
