ऊर्जा खबर
काठमाडौँ । स्पार्क हाइड्रो–इलेक्ट्रिक कम्पनी लिमिटेडले ताप्लेजुङमा निर्माणाधीन १२८ मेगावाटको तमोर–मेवा जलविद्युत् आयोजनाका लागि इलेक्ट्रो–मेकानिकल कार्यको खरिद प्रक्रिया पूरा गर्न बोलपत्र आह्वान गरेको छ । कम्पनीले योग्य कम्पनी तथा संयुक्त उपक्रम (जेभी) बाट बिहीबार (वैशाख ३ गते) सिलबन्दी बोलपत्र आह्वान गरेको हो ।
कम्पनीका अनुसार उक्त खरिद अन्तर्गत आयोजनामा जडान गरिने टर्बाइन, जेनेरेटर, ट्रान्सफर्मर, स्विचयार्ड तथा अन्य सम्बन्धित इलेक्ट्रो–मेकानिकल प्रणालीको डिजाइन, उत्पादन, आपूर्ति, जडान, परीक्षण र सञ्चालनसम्मका काम समावेश छन् । यससँगै आयोजनाको उत्पादन संरचनासँग प्रत्यक्ष जोडिएका मुख्य उपकरण व्यवस्थापनको प्रक्रिया अघि बढाइएको कम्पनीले जनाएको छ ।
इच्छुक बोलपत्रदाताले अबको ३० दिनभित्र बोलपत्र प्रस्ताव पेस गर्न सक्ने कम्पनीले जनाएको छ ।
