ऊर्जा खबर
काठमाडौं । सिन्धुपाल्चोकमा २२.२ मेगावाटको माथिल्लो चाकु ‘ए’ जलविद्युत आयोजना निर्माण गरी सञ्चालन गरिरहेको शिवश्री हाइड्रो पावर लिमिटेडले विद्युत बिक्रीबाट करिब २७ करोड आम्दानी गरेको छ । कम्पनीले सार्वजनिक गरेको वित्तीय विवरण अनुसार आर्थिक वर्ष (आव) २०७९/८० को तेस्रो त्रैमासम्ममा सो आदानी गरेको हो ।
९ महिनाको अवधिमा कम्पनीले जलविद्युत केन्द्रको विद्युत बिक्री गरी २६ करोड ८० लाख ४२ हजार १ सय रुपैयाँ आम्दानी गरेको कम्पनीले जनाएको छ । गत वर्षको तुलनमा विद्युत बिक्रीबाट हुने आम्दानी बढेको देखिएको छ । कम्पनीले गत वर्ष यही समयअवधिमा १७ करोड ९२ लाख २३ हजार ४ सय रुपैयाँ आम्दानी गरेको थियो ।
कम्पनीको उत्पादन आम्दानी बढेपनि खुद नाफा भने घटेको सार्वजनिका वित्तीय विवरणमा उल्लेख छ । गत वर्ष २८ करोड ९० लाख ४९ हजार ३ सय रुपैयाँ खुद नाफा कमाएको यस कम्पनीले यो आवधिमा २३ करोड ७९ लाख ३३ हजार ५ सय रुपैयाँ मात्र नाफा कमाएको छ ।
सिन्धुपाल्चोकमा निर्माण सम्पन्न २२.२ मेगावाटको माथिल्लो चाकु ‘ए’ जलविद्युत आयोजनाले २०७८ जेठ १ गतेदखि निरन्तर विद्युत उत्पादन गरिरहेको छ ।
.jpg)
