ऊर्जा खबर
काठमाडौं । नेपाल विद्युत प्राधिकरणले भक्तपुर-बानेश्वर ६६ केभी प्रसारण लाइन बन्द (सटडाउन) गरेको छ । प्राधिकरणले भक्तपुर (कटुन्जे) देखि बानेश्वर आउने प्रसारण लाइनकाे पुरानो तथा जिर्ण कन्डक्टर बदली गर्न १ महिनाका लागि बन्द गरेकाे हाे ।
सोमबार (आज) बिहान ७ बजेदेखि लाइन बन्द गरी पुरानो र जिर्ण कन्डक्टर बदलीको काम सुरु गरेको प्राधिकरणले जनाएको छ । प्राधिकरणका अनुसार प्रसारण लाइनकाे मर्मत तथा स्तराेन्नति गर्न भदाै १ गतेसम्म लाग्नेछ । प्रसारण लाइनकाे मर्मत तथा स्तराेन्नति गर्ने अवधिभर दैनिक १२ घन्टा प्रसारण लाइन बन्द हुनेछ ।
प्रसारण लाइन अवरुद्ध हुँदा ६६ केभी भक्तपुर र बानेश्वर सबस्टेसनबाट वितरण हुने विद्युत सेवा प्रभावित हुने भएकाे छ । याे अवधिमा दुवै सबस्टेसनका ११ केभी फिडरकाे विद्युत सेवा अवरुद्ध हुने प्राधिकरणले जनाएकाे छ ।
वर्षाका कारण प्रसारण लाइनकाे मर्मत तथा स्तराेन्न्ति कार्य प्रभावित भएमा याे अवधि लम्बिने पिन प्राधिकरणले जानकारी दिएकाे छ ।१ महिनासम्म बिहान ७ बजेदेखि अवरुद्ध भएकाे प्रसारण लाइन दैनिक ७ बजे सूचारु हुनेछ ।
