ऊर्जा खबर
काठमाडौँ । एनएमबि बैंकले नाडा अटो शोमा सहभागिता जनाउँदै चाडपर्वलाई लक्षित विशेष 'अटो लोन' योजना सार्वजनिक गरेको छ । यो योजना अन्तर्गत ग्राहकहरूले केवल ७.१३ प्रतिशतको आकर्षक ब्याजदरमा सवारी साधन कर्जा लिएर व्यक्तिगत सवारी साधन किन्न सक्नेछन् ।
बैंकका अनुसार योजना सीमित अवधिका लागि मात्र ल्याएको छ र आवेदन प्रक्रिया सहज र लचिलो बनाइएको छ । विद्युतीय सवारी साधन किन्न चाहेका ग्राहकका लागि एनएमबि बैंकको यो याेजना एक राम्रो अवसर हुन सक्छ ।
बैंकले यस अफर मार्फत वातावरणमैत्री सवारी साधनको प्रयोगलाई प्रोत्साहन गर्दै नेपालको दिगो तथा हरित भविष्य निर्माणतर्फ सहयोग गर्ने लक्ष्य लिएको छ । बैंकको यो प्रयास दिगो विकासमा टेवा पुऱ्याउने र ग्राहकलाई केन्द्रमा राखेर सेवाहरू उपलब्ध गराउने प्रतिबद्धताको एउटा उदाहरण हो ।
यस अफरबारे थप जानकारी गराउँदै एनएमबि बैंकको नजिकको शाखा वा नाडा अटो शोमा रहेको एनएमबि बैंकको स्टल नम्बर इ–२४ मा बैंकको तर्फवाट उपस्थित हुने प्रतिनिधि मार्फत लिन सकिने छ ।
.jpg)
