ऊर्जा खबर
काठमाडौं । सरकारले नेपाल आयल निगम लिमिटेडको निमित्त कार्यकारी निर्देशकको जिम्मेवारी नागेन्द्र शाहलाई दिएको छ । उमेशप्रसाद थानीले पदबाट राजिनामा दिएपछि निगमभित्र सबैभन्दा वरिष्ठ तहमा कार्यरत साहलाई निमित्तको जिम्मेवारी तोकिएको हो ।
उद्योग वाणिज्य तथा आपूर्ति मन्त्रालयले साहलाई निमित्त कार्यकारी निर्देशक नियुक्त गरेको छ । उनलाई नयाँ कार्यकारी निर्देशक नियुक्ति नहुन्जेलसम्मका लागि जिम्मेवारी तोकिएको जनाइएको छ ।
अहिले कार्यकारी निर्देशकका लागि विज्ञापन गर्ने तयारी भइरहेको साहले बताए । ‘खुल्ला प्रतिस्पर्धाबाट रिक्त पदपूर्ति गर्न एक साताभित्र आवेदन खुल्ला गरिनेछ’ उनले भने ।
निगमका कार्यकारी निर्देशक थानीले गत मंसिर २७ गने राजीनामा दिएका थिए । उनको १५ महिना कार्यकाल बाँकी छँदै राजीनामा दिएका हुन् । थानीको राजीनामापछि रिक्त रहेको पदमा तत्कालका लागि साहलाई निमित्त प्रमुखको जिम्मेवारी दिइएको हो ।
