ऊर्जा खबर
काठमाडाैं । थ्रीस्टार हाइड्रो पावर लिमिटेडले सर्वसाधारणका लागि छुट्याउएको ६ लाख कित्ता सेयर निष्कासन गरेकाे छ । कम्पनीले मंगलबार (असार ५ गते) देखि ६ लाख १३ हजार १ सय ६२ कित्ता सेयर सर्वसाधारणका लागि निष्कासन गरेकाे हाे ।
जारी पुजी ४९ करोड २५ लाख रुपैयाँको १० प्रतिशतश अर्थात ४ करोड ९२ लाख ५० हजार रकम बराबरको सय रुपैयाँ अंकित ४ लाख ९२ हजार ५ सय कित्ता सेयर प्रभावित स्थानीका लागि र ७३ हजार ८ सय ७५ कित्ता वैदेशिक रोजगारीमा गएका नेपाली नागरिकका लागि बाँडफाँड गरेको कम्पनीले जनाएको छ ।
कम्पनीका अनुसार ५ प्रतिशत हुनआउने अर्थात ३६ हजार ९ सय ३८ कित्ता सेयर सामूहिक लगानी कोषका लागि र २ प्रतिशत हुन आउने अर्थात १४ हजार ७ सय ७५ कित्ता सेयर कम्पनीका कर्मचारीका लागि बाँडफाँड गरी बाँकी रहेको ६ लाख १३ हजार १ सय ६२ कित्ता सर्वसाधारणका लागि निष्कासन गरिएकाे छ ।
सर्वसाधारणले न्यूनतम १० कित्तादेखि अधिकतम ५० हजार कित्ता सम्म आवेदन दिन पाउनेछन् । सर्वसाधारणले छिटोमा असार ८ गते र ढिलोमा असार १९ गतेसम्म आवेदन दिन सकिनेछ । कम्पनीले पहिलो चरणमा प्रभावित स्थानीय र वैदेशिक रोजगारीमा गएका नेपाली नागरिकका लागि सेयर निष्कासन तथा बाडफाँड गरी दोस्रो चरणमा सर्वसाधारणका लागि निष्कासन गर्न लागेको हो ।
कम्पनीले खोटाङको हलेसीमा ६.६ मेगावाटको साप्सु खोला जलविद्युत आयोजना सञ्चालनमा गरिरहेको छ ।
