ऊर्जा खबर
.jpg)
काठमाडौं । नबिल बैंक र नेपाल चिकित्सक संघबीच सम्झौता भएको छ । बैंकले संघका सदस्य डाक्टरहरू तथा कर्मचारीलाई विभिन्न बैंकिङ्ग सेवा तथा सुविधाहरुमा छुट प्रदान गर्ने सम्झौता गरेको हो ।
सम्झौता अनुसार बैंकका प्रिपेड, डेबिट, क्रेडिट कार्ड तथा अन्य विभिन्न बैंकिङ्ग सेवाहरुमा संघका सम्बन्धित सदस्य डाक्टरहरू तथा कर्मचारीले देशै भरिका बैंकका शाखा सन्जालबाट विशेष छुटको लाभ उठाउन सक्नेछन् ।
सम्झौता पत्रमा बैंकको तर्फबाट प्रमुख बंजर अधिकृत कबिन्द्र प्रसाद श्रेष्ठ र संघको तर्फबाट अध्यक्ष डा लोचन कार्कीले हस्ताक्षर गरे । संघले आफ्नो स्थापनाकालदेखिनै नेपालमा स्वास्थ्य क्षेत्रको विकास र गुणस्तर प्रवद्र्धनमा उल्लेखनीय भूमिका निर्वाह गरि चिकित्सकहरुको पेशागत अधिकार सुनिश्चित गर्न निरन्तर अग्रसर रहेको छ ।
सन् १९८४ देखि आफ्ना ग्राहकहरुलाई समायनुकुल सेवा प्रदान गर्दै आएको यस बैंकको १५० शाखा, १८७ एटिएम र १५०० भन्दा बढि नबिल रेमिट एजेन्टहरु रहेको बैंकले नेपाली बैंकिङ्ग क्षेत्रमा नविनतम सेवाको शुरुवात गर्न अग्रणी भूमिका खेल्नुका साथै नेपालको बैंकिङ्ग विकासको ईतिहासमा कोसेढुङ्गाको रुपमा काम गर्दै आएको छ । यस बैंक ग्राहकवर्गको उच्च सन्तुष्टी एवं आधुनिक बैंकिङ्ग युगको शुरुवात गर्ने तर्फ केन्द्रित रहेको छ ।
