ऊर्जा खबर
काठमाडौं । जगदुल्ला हाइड्रो पावर कम्पनी लिमिटेडले १०६ मेगावाटको जगदुल्ला आंशिक जलशाय जलविद्युत आयोजनाको वातावरणीय प्रभाव मूल्यांकन प्रतिवेदनमा सरोकारवालासँग राय/सुझाव माग गरेको छ । कम्पनीले आयोजना निर्माण गर्दा पर्न सक्ने वातावरणीय प्रभावका सम्बन्धमा सम्बन्धित सरोकारवालासँग राय/सुझाव मागेको हो ।
कर्णाली प्रदेश डोल्पा जिल्लाकाे जगदुल्ला गाउँपाालिका र मड्केचुला गाउँपालिकामा पहिचान भएकाे आयाेजना निर्माण गर्दा स्थानीय क्षेत्रकाे वातारणामा पर्न सक्ने सक्ने प्रतिकुल प्रभावका सम्बन्धमा लिखित राय/सुझाव माग गरिएको कम्पनीले जनाएको छ । कम्पनीका अनुसार प्रतिवेदन तयारी गर्ने क्रममा सो क्षेत्रको प्राकृतिक, भौतिक, जैविक, सामाजिक, साँस्कृतिक र आर्थिक प्रणालीमा के कस्तो प्रभाव पर्दछ भनी यकिन गर्न सो क्षेत्रको नगरपालिका, गाउँपालिका, विद्यालय, अस्पताल, स्वास्थ्य चौकी तथा सरोकारवाला व्यक्ति वा संस्थासँग लिखित राय/सुझाव माग गरिएको छ ।
प्रभावितले सूचना प्रकासित भएको एक साताभित्र कम्पनीको कार्यलयमा आइपुग्ने गरी राय/सुझाव पठाउनुपर्नेछ । आयोजनाबाट जगदुल्ला गाउँपालिका वार्ड नम्बर १, २, ३, ४, ५, ६ र मुड्केचुला गाउँपालिका वार्ड नम्बर ४, ५, ६, ७, ८ प्रभावित हुनेछ ।
प्रस्तावित आयोजनाका मुख्य संरचनाहरुमा आकस्मिक स्पिल्वे भएको ३ वटा द्वारसहितको २३ मिटर उचाईको बाँध निर्माण गरिनेछ । आयोजनाको ६१३५ मिटर लामो हेडरेस सुरुङ रहेको छ भने जगदुल्ला नदीको विभिन्न खण्ड र सो नदीका सहायक नदीमा १२ वटा बेलिब्रिज र आन्तरिक पहुँच सडकको निर्माण गर्ने प्रस्ताव गरिएको छ ।
आयोजनाबाट ६१५.३२ गिगावाट घण्टा विद्युत उतपादन हुनेछ । सुख्खा मौसममा आफ पिक ऊर्जा ८१.०५ पिक ऊर्जा ११०ं५० गिगावाट घण्टा र वर्षा मौसममा ४२३.७७ गिगावाट घण्टा विद्युत उत्पादन हुने अध्ययनले देखाएको छ ।
.jpg)
