ऊर्जा खबर
काठमाडौं । विद्युतीय सवारी प्रवर्दन गर्ने उद्देश्यले ऊर्जा, जलस्रोत तथा सिँचाइ मन्त्रालयले सिंहदरबारभित्र ५ वटा चार्जिङ स्टेसन निर्माण प्रत्रिया अगाडी बढाएकाे छ । मन्त्रालयले सिंहदरबारभित्र चार्जिङ स्टेसन निर्माण गरी सञ्चालन गर्नका लागि ठेक्का आह्वान गरेको हो ।
विद्युतीय सरकारी सवारीको सहजताका लागि ऊर्जा मन्त्रालयको वरीपरी ३० किलोवाटको ५ वटा चार्जिङ स्टेसन निर्माण गर्ने प्रक्रिया अगाडी बढाएको मन्त्रालयले जनाएको छ । मन्त्रालय अनुसार स्टेसन निर्माण गर्न इच्छुक निजी तथा सार्वजनिक संस्थासँग आवेदन माग गरिएको छ ।
आइतबार (पुस १० गते) चार्जिङ स्टेसन निर्माणका लागि ठेक्का आह्वान गरेको छ । सुचनाका अनुसार स्वदेशी कम्पनीले मात्रै ठेक्का आवेदन दिन सक्नेछन् । इच्छुकले २४ जनवरी (माघ १० गते) सम्म आवेदन दिन सक्नेछन् । यो स्टेसनमा साना कारहरू मात्रै चार्ज गर्न सकिनेछ । एकदेखि डेढ घन्टामा फुल चार्ज गर्न सकिनेछ ।
पछिल्लो समय विद्युत सवारी साधनको प्रयोग बढ्दै गएको छ । साथै, नेपाल विद्युत प्राधिकरण र निजी क्षेत्रले विभिन्न स्थानमा चार्जिङ स्टेसन निर्माण गरिरहेका छन् ।
विद्युतीय सवारी व्यापारीहरूले पनि आफ्नो गाडीका लागि आवश्यक चार्जिङ स्टेसन निर्माण गरिरहेका छन् । प्राधिकरणले ५१ वटा चार्जिङ स्टेसन निर्माण गरिरहेको छ ।
जसमा १२ वटा सञ्चालनमा आइसकेका छन्, भने ३२ वटा जडान सम्पन्न भइसकेका छन् । बाँकी चार्जिङ स्टेसन निर्माणको काम अन्तिम चरणमा पुगेको प्राधिकरणले जनाएको छ ।
थप जानकारीका लागि
