विद्युत आपूर्ति : प्राधिकरण : ५३५९ मे.वा.घन्टा / निजी क्षेत्र : ६५९३ मे.वा.घन्टा / आयात : ९३१२ मे.वा.घन्टा / ट्रिपिङ : मे.वा.घन्टा / ऊर्जा माग : २१२६४ मे.वा.घन्टा/ उच्च माग : ११५७ मेगावाट मे.वा.घन्टा/ निर्यात : मेगावाट
×

बुद्धभूमी हाइड्राे पावरले १२ लाख कित्ता साधारण सेयर निष्कासन गर्ने

२०७७ माघ १४

काठमाडौं । बुद्धभुमी नेपाल हाइड्रो पावर कम्पनीले १२ लाख कित्ता साधारण सेयर निष्कासन गर्ने भएको छ । कम्पनीले नुवाकोटमा निर्माणाधीन ५ मेगावाटको तल्लो तादी खोला जलविद्युत आयोजनाका प्रभावित क्षेत्रका स्थानीय र सर्वसाधारणका लागि छुट्याएको साधारण सेयर निष्कासन गर्न लागेको हो ।

कम्पनीले प्रतिकित्ता सय रुपैयाँमा अंकित १२ करोड रुपैयाँ मूल्यको साधारण सेयर निष्कासन गर्ने अनुमतिका लागि नेपाल धितोपत्र बोर्डमा आवेदन दिएको छ । कम्पनीका अनुसार बोर्डको अनुमतिपछि पहिलो चरणमा आयोजना प्रभावित क्षेत्रका स्थानीय र दोस्रो चरणमा सर्वसाधारणका लागि सेयर निष्कासन गरेर बाँडफाँड गरिनेछ ।

निष्कासन हुनेमध्ये ४ करोड रुपैयाँ बराबरको ४ लाख कित्ता सेयरका लागि आयोजना प्रभावित क्षेत्रका स्थानीयले आवेदन दिन पाउने छन् । स्थानीयको सेयर निष्कासन गरेर बाँडफाँडको कार्य सम्पन्न भएपछि बाँकी ८ करोड रुपैयाँ बराबरको ८ लाख कित्ता सर्वसाधारणका बिक्री खुलाइने कम्पनीले जनाएको छ । 

इक्रा नेपालले कम्पनीलाई साधारण सेयर निष्कासन गर्न ‘४ प्लस’ रेटिङ प्रदान गरेको छ । कम्पनीले सेयर निष्कासन गरी बाँडफाँड गर्न सिभिल क्यापिटल मार्केट लिमिटेडलाई बिक्री प्रबन्धक तोकेको छ । कम्पनीको लगानीमा निर्माणाधीन आयोजना पूरा भएपछि समुन्द्रटार सबस्टेसनमा जोडिनेछ ।

प्रतिक्रिया

सम्पादक : लक्ष्मण वियोगी
© 2021 Urja Khabar. All rights reserved
विज्ञापनको लागि सम्पर्क +977-1-5321303
Site By : Nectar Digit