ऊर्जा खबर
काठमाडौँ । नेपाल विद्युत् प्राधिकरणले भोटेकोसी बाढीका त्रिशूली नदी कोरिडोरका विभिन्न जलविद्युत् आयोजनामा फसेका कर्मचारी तथा कामदारहरूको उद्धार कार्यलाई तीव्रता दिएको छ । प्राधिकरणका अनुसार आवश्यक सामग्री, उपकरण र उद्धार जनशक्तिसहित काठमाडौँबाट प्रभावित क्षेत्रतर्फ थप हेलिकप्टर पठाइएको छ ।
सुरक्षा निकायहरूसँगको समन्वय र आवश्यक सुरक्षा मापदण्ड पालना गर्दै टोली परिचालन गरिएको प्राधिकरणका कामु कार्यकारी प्रमुख दीर्घायुकुमार श्रेष्ठले जानकारी दिए । उद्धार टोलीले विशेष गरी नुवाकोट र रसुवाका जलविद्युत् आयोजनामा फसेका जनशक्ति तथा शान्ति बजार क्षेत्रका कर्मचारीहरूलाई सुरक्षित स्थानमा स्थानान्तरण गरिरहेको उनले बताए ।
उनका अनुसार प्राधिकरणले प्रभावित आयोजनामा कार्यरत कर्मचारीको सुरक्षा र उद्धारलाई उच्च प्राथमिकतामा राखेको छ । परिस्थिति अनुसार उद्धार तथा राहत कार्य जारी रहने बताउँदै उनले यो कठिन परिस्थितिमा धैर्य कायम राख्न र आधिकारिक निकायबाट जारी हुने सूचनामा मात्र विश्वास गर्न सबैलाई आग्रह गरेका छन् ।
