ऊर्जा खबर
काठमाडौं । कुथले बुखरी स्मल हाइड्रो पावर लिमिटेडले असार २६ गतेदेखि साधरण सेयर निष्कासन गर्ने भएको छ । कम्पनीले सर्वसाधरणका लागि छुट्याएको सेयर निष्कासन गर्न लागेको हो ।
जारी पूँजी १२ करोड १८ लाख ६७ हजार ५ सय रकमकाे १० प्रतिशत अर्थात सय रूपैयाँ अंकित १ लाख २१ हजार ८ सय ६७ कित्ता सेयरमध्येको १० प्रतिशत अर्थात १२ हजार १ सय ८६ कित्ता सेयर वैदेशिक रोजगारीमा गएका नेपाली नागरिकका लागि निष्कासन गरेको कम्पनीले जनाएको छ । कम्पनीका अनुसार ५ प्रतिशत हुन आउने अर्थात ६ हजार ९३ कित्ता सेयर सामूहिक लगानी कोषका लागि, २ प्रतिशत हुन आउने अर्थात २ हजार ४ सय ३७ कित्ता सेयर कर्मचारीका लागि र बाँकी रहेको १ लाख १ हजार १ सय ५१ कित्ता सेयर सर्वसाधरणका लागि निष्कासन गर्ने तयारी गरेको हो ।
सर्वसाधरणले न्यूनतम १० कित्तादेखि अधिकत्तम १ लाख कित्ता सम्म आवेदन दिन पाउनेछन् । सर्वसाधरणले छिटोमा असार २९ गतेसम्म र ढिलोमा साउन ४ गतेसम्म आवेदन दिन पाउनेछन् ।
कम्पनीको सेयर निष्कासन गरी बाँडफाँड गर्न एनएमबि क्यापिटल लिमिटेडलाई बिक्री प्रबन्धक तोकिएको छ । कम्पनीको दोलखा जिल्लाको भिमेश्वर गाउँपालिकामा ९९८ किलोवाट क्षमताको सुस्पा बुखरी साना जलविद्युत आयोजना सञ्चालनमा छन् ।
