ऊर्जा खबर
काठमाडौं । लाङटाङ भोटेकोसी हाइड्रोपावर कम्पनीले ९२ जना कर्मचारी मागेको छ । कम्पनीले रसुवास्थित १ सय २० मेगावाटको रसुवा भोटेकोसी जलविद्युत आयोजनाको निर्माण सुरु गर्न कर्मचारी मागेको हो ।
आयोजना प्रमुखदेखि खाना पकाउने कुकको पदपूर्ति गर्न आवेदन खुलाइएको कम्पनीले जनाएको छ । कम्पनीका अनुसार ५० जना प्राविधिकतर्फको पदपूर्तिका लागि आवेदन मागिएको छ ।
सिभिल, हाइड्रो तथा इलेक्ट्रोमेकानिकलत इन्जिनियर २० जना मागिएको छ । सम्बन्धित क्षेत्रमा राम्रो अनुभव भएकाले रोजगारीको अवसर पाउने कम्पनीले जनाएको छ ।
यस्तै, आयोजना प्रबन्धक र प्रशासनिक अधिकारी १/१ जना मागिएको छ । ३ जना प्रशासनिक प्रमुख, १० जना फोरम्यान, ५ जना सुपरभाइजर र एकजना खाना पकाउने कुक पनि मागिएको छ । १ जना चिनियाँ भाषा अनुवादकसमेत मागिएको छ ।
इच्छुक योग्य व्यक्तिले पुस २३ गतेभित्र [email protected] मार्फत आवेदन दिइसक्नुपर्नेछ । सम्बन्धित क्षेत्रमा अनुभव प्राप्त व्यक्तिलाई प्राथमिकतामा राखेर कर्मचारी छनोट गरिने कम्पनीको पदपूर्ति समितिले जनाएको छ ।
