विद्युत आपूर्ति : प्राधिकरण :५५८० मे.वा.घन्टा / निजी क्षेत्र :४४३३ मे.वा.घन्टा / आयात : १७८१९ मे.वा.घन्टा / ट्रिपिङ :५० मे.वा.घन्टा / ऊर्जा माग :२७८८२ मे.वा.घन्टा/ उच्च माग :१४३६ मेगावाट
×

अरुण भ्यालीले बैशाख ६ गतेदेखि हकप्रद सेयर निष्कासन गर्दै, काबेली ‘बी’-१ क्यासकेडमा लगानी गरिने

२०७७ चैत २०

काठमाडौं । अरुण भ्याली हाइड्रो पावर डेभलपमेन्ट कम्पनीले २०७८ बैशाख ६ गतेदेखि हकप्रद सेयर निष्कासन गर्ने भएको छ । कम्पनीले निर्माणाधीन १० मेगावाटको काबेली ‘बी’–१ क्यासकेड जलविद्युत आयोजनामा लगानी जुटाउन सबै सेयरधनीका लागि हकप्रद सेयर निष्कासन गर्न लागेको हो ।

सेयरधनीका लागि चुक्ता पुँजीको  १ः०५ (५० प्रतिशत) सेयर निष्कासन गर्न लागिएको कम्पनीले जनाएको छ । कम्पनीका अनुसार ५२ करोड ४१ लाख १९ हजार ७ सय रुपैयाँ बराबरको ५२ लाख ४१ हजार १ सय ९७ कित्ता सेयर निष्कासन गरी बाँडफाँड गरिनेछ ।

लगानीकर्ताले बैशाख २६ गतेसम्म आवेदन दिन सक्नेछन् । सेयर निष्कासन गरी बाँडफाँड गर्न मुक्तिनाथ क्यापिटललाई बिक्री प्रबन्धक तोकिएको छ । कम्पनीको पाँचथरमा निर्माणाधीन आयोजना ६० प्रतिशत बढी पूरा भएको छ । निर्माणाधीन आयोजनाबाट २०७८ असोजदेखि विद्युत उत्पादन गर्ने लक्ष्य रहेको कम्पनीले जनाएको छ ।

आयोजना सम्पन्न गर्न २ अर्ब रुपैयाँ लागत अनुमान गरिएको छ । जसमा १ अर्ब ४० करोड रुपैयाँ बैंक अफ काठमाडौं र कुमारी बैंकको ऋण लगानी छ । बाँकी ६० करोड रुपैयाँ स्वपुँजी लगानी छ । यो आयोजना सम्पन्न भएपछि १३२ केभी काबेली कोरिडोर प्रसारण लाइनको अमरपुर सबस्टेसनमा जोडिनेछ । कम्पनीले संखुवासभामा निर्माण गरेकाे ३ मेगावाटकाे पिलुवा जलविद्युत केन्द् सञ्चालनमा छ ।

प्रतिक्रिया