ऊर्जा खबर
काठमाडौं । भारतीय कम्पनी आर्गो इभी स्मार्ट प्रालिले ३ वर्षको अवधिमा २५० बढी चार्जिङ स्टेसन निर्माण गरेको छ । कम्पनीले दिल्ली–आग्रा–जयपुरलगायतका रुटमा यी चार्जिङ स्टेसन निर्माण गरेको हो ।
‘इभी नेपाल एक्स्पो’ मा प्रर्दशनीमा रहेको कम्पनीले विगत ३ वर्षभित्र अढाई सय भन्दा बढी स्टेसन निर्माण सम्पन्न गरेको प्रालिका बिजनेस हेड दिप कुमार जसावतले बताए । चार्जिङ इन्फास्ट्रक्चर निर्माण गर्नुका साथै ई–मोबिलिटीलाई समेत प्रवर्द्धन गर्ने नीति अनुरुप आर्गो ईभी स्मार्टले एक सहर देखि अर्को सहर सम्म ‘इलेक्ट्रिक ड्राइभ’ को समेत आयोजना गर्दै आएको छ ।
कम्पनीले विभिन्न क्षमताका एसी र डीसी दुवै प्रकारको चार्जर उपलब्ध गराइरहेको छ । यी चार्जर सीई र अन्य विभिन्न अन्तर्राष्ट्रिय गुणस्तरबाट प्रमाणीत छन् । यी चार्जरमार्फत वाईफाई, सिम, आरएफआईडी आदि प्रविधिको प्रयोग गर्न सकिन्छ ।
करिव १ लाख भारु देखि प्रारम्भ हुने चार्जर १ करोड सम्मको मूल्यमा उपलब्ध छन् । कम्पनीले नेपाली बजारमा समेत चार्जिङ पार्टनरसिप खोजिरहेको छ । चार्जिङका लागि आवश्यक पूर्वाधार निर्माण देखि अन्य सबै सहयोग कम्पनीले उपलब्ध गराउने छ ।
